十九才子陶傑最近又焫火頭，居然冒天下之大不韙，發表所謂「虛火論」，並以「十二件咁嘅嘢」形容忠粉達百萬之數的超級男團Mirror，可謂膽大包天。
其實陶傑今年六十有三，Mirror平均則只有二十多歲，年齡相差四十載，條generation gap長過彌敦道，前者對後者之爆紅無法理解，實屬正常，但才子說：「Mirror係救唔到香港嘅任何工業同影視嘅，真係對唔住，因為呢一行係要真材實料，係要深度同內涵嘅。」
這段說話卻值得商榷，首先Mirror的歌曲傳唱度高，當然，確實跟當年張國榮梅艷芳無法相比，但已比星夢歌手的認受性強得多，最近開演唱會，門票亦迅速售罄，黃牛票更炒至超過四十萬一張，可謂驚人之極，所以陶傑所謂「救唔到香港嘅任何工業」這句話不成立，起碼演唱會搞手就當Mirror是救苦救難觀世音菩薩，
其二就是所謂「深度與內涵」，你要求20多歲的年輕人有多深的深度？ 難道要發表一兩篇學術論文才夠深？ 所有橫空出世的偶像，先決條件是具備魅力與觀眾緣，而非所謂深度，至於Mirror的走紅是否虛火， 這個確需要時間驗證，不過姜濤說，希望有天虛火會變成實火，這回答挺得體，既沒對前輩反唇相稽，也不妄自菲薄，雖稱不上深度，但肯定有修養。
睇完燒掉
大叔，懶散，認人很差，心志還未開，白髮已出來。